የቱሪስት መዳረሻዎችን ለማስተዋወቅ ያለመ የወኃ ላይ ቀዘፋ፤ የተራራ ላይ የብስክሌት እና የእግር ጉዞ ተካሄደ
በስፋት ያልተዋወቁ የቱሪስት መዳረሻዎችን ለማስተዋወቅ ያለመ የወኃ ላይ ቀዘፋ፤ የተራራ ላይ የብስክሌት እና የእግር ጉዞ መካሄዱን የቱሪዝም ሚኒስቴር አስታውቋል።
የቱሪስት መዳረሻዎቹ በጉራጌ ዞን መንቆረ እና ሐዋሪያት ዙሪያ የሚገኙ ምቹ፣ ማራኪና ሰላማዊ መሆናቸው የተገለጸ ሲሆን፤ በተለይ የተራራ ላይ የብስክሌት ጉዞ፣ የእግር ጉዞ እንዲሁም የወኃ ላይ ቀዘፋ ለማድረግ ሚያስችሉ አስገራሚ ስፍራዎች ናቸው ተብሏል።
ጉብኝቱ የቱሪስት መዳረሻዎችን ከማስተዋወቅ ባሻገር፣ በመዳረሻዎች አካባቢ የሚገኙ የህብረተስብ ክፍሎችን የኢኮኖሚያዊ ተጠቃሚ ለማድረግ እንደሚያስችል ከሚኒስቴሩ የተገኘው መረጃ ያመላክታል።
